3/8/2010 起行

一大早五時出機場, 重早過的阿婆去晨運。去到東方航空櫃台鬼影都無, 話7點辦工, 絕對無早。十分鍾辦妥手續, 就去100分既「細老」大快活食早餐, 味道就不能期待。時間一分一分過去, 終於上機, 好彩無delay。

不過落機就痳煩D要搭巴士到閘口, 攬下攪下轉機時間剩番1.5小時, 好彩show張登機證就可以行職員通道, 轉機手續甘就攪掂。
無驚無險日本時間下午4點到大阪, 先買張關西 pass及換好近鐵證, 就到津中東橫 Inn check in, 是日再無其他景點, 一早就去搵周公。